歌手李蕙敏（Amanda）去年與外籍老公Serge結婚，提到新婚生活，Amanda笑言經常與老公打情罵俏：「好似今年咁，我哋正式喺新年派利是！我同老公講『應該好多人問你攞利是，因為你係第一年結婚！』點知佢好招積咁同我講『冇乜人同我攞，因為我係鬼佬。』跟住我話『你試吓同我一齊出去呀，派到你唔派呀！』」

李蕙敏將於下月舉行個唱，令人期待！

李蕙敏坦言婚後生活甜蜜，與老公相處融洽。

Amanda入行25年，下月終於舉行首個演唱會，對於歌迷的默默支持，她表示終可回饋他們：「今次演唱會嘅主題係『愛』，大家都知道我踏入人生嘅另一個階段，加上有時喺街度撞到支持咗好耐嘅歌迷，佢哋會同我講『我鍾意聽你啲歌喎，你好似好少喺香港唱歌！』所以我都好想舉行一個演唱會去多謝歌迷嘅愛！」