胡琳（Bianca）早前推出新碟，食髓知味再度翻唱四大天王經典金曲。加盟了新唱片公司的Bianca更獲「一姐」待遇，遠赴美國錄音並到法國拍攝封面及MV，足見唱片公司對她的重視！

與公司太子爺林孝信傳緋聞的胡琳表示當對方是小朋友。

胡琳遠赴美國為新翻唱碟錄音。

歌手胡琳早前推出翻唱碟，繼2010年後再次翻唱四大天王的歌曲。再度化身「老翻歌手」的胡琳笑言推出Part 2是要滿足一己私欲：「2010年出過翻唱碟，但佢哋嘅歌冇可能1隻碟擺得晒，今次再出碟係滿足自己未唱夠。」問到她會否偏心某一位天王，她尷尬地說：「佢哋各有各特色，揀歌都係睇歌手對嗰首歌嘅感覺，可能今個禮拜鍾意呢首歌，下個禮拜又對另一首歌有感覺。」

四大天王首首金曲，問到她會否擔心「唱衰」他們的歌，而被他們萬千粉絲攻擊？Bianca說：「以前都會介意，出第一隻翻唱碟時會留意大家嘅評語，好在大家反應都幾正面。依家做音樂好隨心，好個人化，但我唔係Hea做，只要擺真心落去，啲電波實會Touch到啲人。」

提到她一加盟大名娛樂公司就獲重金送她到美國錄音和法國拍封套及MV，Bianca直言感謝公司信任：「一簽咗新公司就去咗紐約錄音，Show到公司對我嘅信任，感覺飛去法國拍封面都係種信任，希望可以回到本報答公司。」問到她是否穩坐一姐之位？Bianca說：「唔做得唔得呀，公司仲有胡渭康和Choco，大家類型唔同，唔會話邊個行先。」

接受姊弟戀

加盟新公司即與太子爺林孝信傳緋聞，她表示當對方是小朋友，問到單身的她可會接受姊弟戀？她說：「唔一定要有共同興趣，最緊要啱Feel同心地善良，細過我都OK。」