謝婷婷與緋聞男友戴尚安（Sean）的感情愈來愈浮面，婷婷不但透露二人在公在私都相當合拍，更自爆Sean早已見過家長，婷婷父親謝賢更對他讚不絕口，深得「未來外父」歡心。　

婷婷表示緋聞男友戴尚安深得父親四哥歡心，唔知幾時會好事近呢？

謝婷婷前晚出席時裝活動時，坦言近日頻頻出席活動，收入可觀。問到是否沒有時間見緋聞男友戴尚安（Sean）？她說：「OK啦，都係工作。（佢有冇投訴少見？）冇，佢都忙，搞我哋個展覽。」問到二人曾否因籌備展覽而發生爭執？她說：「冇，我哋工作上關係好好。（私下更好？）希望啦。同佢做嘢好開心，佢畀好多靈感同動力我試新嘢。」

而她昨日身穿寶藍色裙出席另一活動時，疑似透底。她透露父母早已見過Sean，並對他印象很好。她自爆父親謝賢曾與Sean午膳，深得父親歡心，更大讚他好人及靚仔。婷婷續說：「爸爸見佢好照顧我，好有風度，對佢印象好好，覺得佢好高着衫OK，話想同我哋一齊去非洲。」

鍾意霆鋒肥

另外，她透露近日開始注意飲食健康，故常於Instagram上載下廚的相片。問到是否受哥哥謝霆鋒影響？她說：「唔係，佢落足料，就算有一日佢變成肥仔都係抵嘅，又成日叫我望吓佢個肚腩肥咗幾多，不過我鍾意佢肥啲，開心啲。」而問到會否任霆鋒飲食節目的嘉賓？她：「佢有問過，不過我覺得我唔係好食佢煮嘅嘢。」