曾有傳苟芸慧介入郭富城與熊黛林的戀情致二人分手，城城和苟姑娘傳出緋聞後昨日首次同場出席活動，苟姑娘甜笑指會好好珍惜彼此的友誼，城城則連番稱讚苟姑娘是女神！

苟姑娘以鮮黃色Tube Dress上陣，性感誘人！

城城（中）以優雅形象大使身份主持開幕儀式。

城城大讚苟姑娘是女神，難怪對方勁冧！

苟芸慧

郭富城昨日以優雅形象大使身份主持瑞士鐘錶品牌LONGINES全球最大旗艦店開幕儀式，緋聞女友苟芸慧則擔任特別嘉賓。苟姑娘先出場，她落台時，城城緊接上台，二人擦身而過，未有眼神交流，至活動尾聲二人大方合照。問到見到苟姑娘是否很開心？城城說：「開心，舊拍檔再一次合作好開心，有傾偈。」他又不避嫌大讚茍姑娘：「佢容光煥發咗！面色好咗，靚咗，係女神！佢好適合呢個品牌，代表優雅同靚，佢係女神，絕對係女神！（想再合作？）想！唔使猶豫！」

斥禮貌社交被曲解

提到有報道指他透過Instagram結識模？城城說：「好荒謬嘅報道，我禮貌式關注，換嚟咁多創作，我都有Add麥當娜，又唔見有人寫？呢啲交友平台係一啲禮貌社交，冇唔見得光嘅事，所以唔應該斷章取義嚟抹黑！」他更愈說愈勞氣：「我微博都有Add唔同朋友，我關注咗180幾個人，有70幾個男人，包括學者同畫家，但冇人寫，覺得佢哋寫嘢要有良心，唔好刻意中傷人！」問到會否不再關注模？他說：「生命無常，應該關心世界，唔理閉門造車嘅新聞，有時間我都攞嚟工作。」

而身穿鮮黃色Tube Dress上陣的苟姑娘上圍逼爆，問到與城城同場可會尷尬？她表示不會，否則不會出席。談及城城大讚她是女神？她笑說：「多謝多謝。（話想同你再合作。）工作方面等公司安排，佢係專業演員，同佢合作可以偷師，袋錢入我袋。」至於甲狀腺病是否已康復？她說：「有進步，心情好咗好多。（同城城傳緋聞壓力大而患病？）第一次唔慣處理（緋聞），下次有信心面對。」她又透露仍需食半年藥，問到是否完全康復才收身？她說：「食完藥心臟會跳得好快，唔好咁急去做。（見到城城心臟是否也跳得很快？）我都未食藥。好耐冇見，有緣做到朋友好難得，要好好珍惜。」