胡杏兒早前因微博攬仔照引致軒然大波，不過陸浩明和糖妹似乎「見過鬼唔怕黑」，繼續有樣學樣發揚「玩嘢」精神！而他們更將行動升級，雙方放上神秘攬攬照之餘，更穿上中式禮服大玩假結婚。

胡杏兒早前在微博上載一張攬仔照並留言「我找到了」，惹來拍拖疑雲！雖然其後自行揭盅，公開背影男屬「玩嘢王」李思捷，不過杏兒這一次卻「玩着自己」，被指想搶見報版位以反擊前男友黃宗澤與楊崢的戀情。不過圈中藝人似乎「見過鬼唔怕黑」，繼續有樣學樣，發揚「玩嘢」精神！

日前，穿上中式裙褂的黃山怡（糖妹）在微博上載一張攬着「新郎哥」的照片，並學杏兒留言說：「我也找咗了！」三分鐘後，「新郎哥」陸浩明（6號）即上載一張攬着「新娘子」的照片，並擺出思捷之前的伸脷表情，留言說：「我被找咗了！」網民即時恍然大悟，留言說：「原來你老婆係糖妹！」其後，6號才上載他和糖妹齊齊穿中式禮服的正面合照，留言指他們為拍攝節目豁出去：「我同糖妹獻出寶貴的第一次‥‥‥試着中式裙褂，做老襯一日咁多啦！」