身材驕人的亞姐冠軍張家瑩及周嘉莉最近到珠海開工，齊換上性感泳衣浸溫泉，家瑩的火紅泳衣似乎「唔啱身」，有破衫而出的效果！期間「雀癮起」的她們邊浸溫泉邊打牌，玩到唔捨得走！

以三點式上陣的張家瑩（左）及嘉莉，大歎不同浴池及玩自拍。

周嘉莉（左起）、劉子葱及張家瑩「大創先河」，於溫泉池中打番幾圈。

張家瑩一見林寶堅尼即撲埋去影相。

向來有旅遊命的張家瑩（Grace）最近再次出埠拍攝旅遊特輯，先與顏子菲暢遊澳門，再跟周嘉莉及劉子葱到珠海喪玩，連續離港十數天的Grace樂而忘返，但她亦頗感疲累，更要火速補給護膚品。

「濠」歎法菜

Grace與嘉莉最難忘在珠海浸溫泉池歎世界，Grace的火紅吊帶泳衣相當吸睛，幾乎遮不住其驕人身材！他們發現附近有麻雀枱即「雀癮起」，邊浸水邊「游乾水」，Grace說：「未試過咁樣打牌，好搞笑，爭啲想打埋四圈先走！其實要着泳衣都擔心，之前新年有啲皮膚敏感，喺澳門又不停食，肥咗！」此行可謂「動靜皆宜」，他們先參觀排山古村甚有特色的建築物，其後冒雨玩跳樓機、滑浪飛船及踩單車，變身大細路的三人High爆擘大口拍照！

Grace亦相當享受澳門之行，與子菲每日狂吃及參觀博物館和古蹟：「住得好食得好，去咗間頂級法國餐廳！」當見識到全球僅得一部的特別版黃色林寶堅尼，Grace即High爆化身車模，倚着名車騷長腿合照，名副其實「香車配美人」！