東網電視
更多新聞短片陳慧琳（Kelly）昨日穿上紫色低胸吊帶裙出席MaxMara活動，不過因尺碼偏大而險些洩春光，她說：「今日唔夠時間360度照自己，平時就會。」
潮媽Kelly以吊帶低胸裙上陣，索爆！
打扮密實的周汶錡勝在型格十足。
Kelly又透露下星期要到內地工作十天，到十個地方宣傳電影《盜馬記》，她坦言不捨得一對寶貝仔：「事前有同佢哋講，同埋要交帶功課畀人幫手睇住。（囝囝會唔會作反？）佢（長子劉昇）作梗啦！食薯片飲汽水，咳到睇醫生都唔理，佢爹哋又由佢，成日都唔記得佢病，照畀佢食。（囝囝會唔會鍾意你唔喺屋企？）依家都OK，想我返嚟，可能愈大愈想我唔喺屋企，細仔就未作反住。」她透露離港工作時會與囝囝傾視像電話：「見到會仲掛住，佢哋同我視像完但喺屋企唔見我會喊。（係咪勁心疼？）心疼呀，所以我又喊埋！」
