林德信（Alex）、谷祖琳及鄭融等昨日出席「思覺基金」的相展，基金副主席谷祖琳早前找來著名攝影師拍攝多位藝人朋友做瑜伽的一刻，她感謝大家的熱心幫忙：「個個都係義務幫手，感恩有咁多有心人，啲相會送番畀藝人，佢哋肯再捐出嚟就最好！」她又表示找來容祖兒及余文樂等人捐出物品做拍賣籌款。

林德信與鄭融在活動上大玩自拍，自得其樂！

為「思覺基金」舉辦相展的谷祖琳打盡人情牌，請來多位Artist幫忙。

而Alex的緋聞女友松岡李那日前自爆為他舉行驚喜生日派對，他笑言被朋友投訴反應冷淡：「本來約咗個朋友食飯，去到餐廳見到好多朋友，我好冷靜咁『哦』咗一聲！」他又透露與家人食飯時沒有帶松岡同行，問到是否未肯帶松岡見家長，他笑說：「Daddy（林子祥）話我有好多女仔朋友，唔好信佢，佢好鍾意整蠱我！」