馬國明、楊怡及樂瞳昨日為新劇《官場浮世繪》開工，對於早前預告會與舊拍檔楊怡有水底接吻戲，馬明希望天氣回暖一點才拍攝，並指近日忙於外景接廠景，故未能賺取外快及踢足球。

馬明（左起）、樂瞳及楊怡在微冷的天氣下開工，幸他們都穿上古裝包到冚。

提到胡杏兒於網上發布攬仔整蠱照，最終被網民鬧爆，馬明對此卻懵然不知：「應該講吓笑，無傷大雅，其實唔使太認真嘅，李思捷係玩嘢王嘛！但我都會尊重啲網民，我個人嚟講就冇乜所謂！」

楊怡的額上則多了一條青筋，她笑說：「因為角色講我經歷咗啲事大受刺激，同埋今次要打，好耐冇打過，好在唔使吊威吔，熱身之後都OK！」