初為父母的混血名模Cara G.與丈夫Jesper昨日帶同初生女兒到瑪麗醫院覆診，期間兩人恩愛咀嘴！由於早前BB因羊胎水入肺而要入ICU，令二人非常擔心，Cara指現時身體已無大礙。花了近四十小時才成功產子，她坦言害怕生下胎：「醫生話我子宮太細，唔夠大畀BB出嚟，下次再生，八個月就要攞BB出嚟，但我唔心急再生。」

Cara與老公情不自禁甜蜜親吻。

Cara與老公抱初生女兒到醫院覆診。

她透露抱B餵人奶令雙手很累兼睡眠不足：「餵人奶唔係易事。我有好多奶，但乳頭太細，BB搵唔到亦好難啜得實。（BB易唔易湊？）佢係開心BB，不過朝早瞓咗夜晚唔肯瞓，如果掉番轉就好喇！」Cara大讚老公幫忙湊女，令她可趁機休息。雖然媽媽和兼職Helper會幫手湊女，但Cara希望親力親為，不想錯過任何時刻。