對於林峯對兩位發電女王無動於衷，女友吳千語當然可以好安心，昨日記者就此事致電千語，她透過經理人回覆：「知道佢（林峯）拍緊呢套劇，大家都對大家有信心。」至於林峯拍劇會否去探班？千語經理人說：「盡量都唔會，因為想對方專心工作，盡快完成戲份，大家都係專業嘅藝人，好多嘢都會好明白，唔需要去擔心。」

吳千語希望林峯專心工作，不擔心他與拍檔傳緋聞。

林峯與吳千語於2012年7月被爆戀情，直至去年2月錄影《勁歌金曲》前，林峯宣布吳千語的女友身份，自言「做番男人要做嘅嘢」。愛得癡纏的林峯幾乎與千語BB形影不離，不過自「峯語戀」公開後，千語不時受到抨擊，林峯即出言為女友平反，指女友令他變成更好的男人，並指父母都催他早日迎娶千語，為林家繼後香燈。

愛得高調的二人更不時被拍得行街街談情，有次千語陪林峯試西裝時，更情到濃時撫摸對方的屁股和肚。二人相戀以來亦最愛出埠過二人世界，去年12月林峯更豪使百萬，帶女友到日本旅遊9日。萬千「峯愛」在一身的千語BB，可謂被錫到燶。