劉嘉玲、梁家輝、英皇集團老闆楊受成、洪卓立、張致恒、衛詩雅及許靖韻等昨晚出席英皇電影《北京愛情故事》首映，提到電影內地票房已超過4億人民幣，嘉玲坦言不會因而對香港票房感到壓力。談到梁家輝與女兒在網上大晒泳衣照，她說：「佢哋父女情向來都好自然。（有冇同偉仔影？）有呀！佢影我多啲。（介唔介意放上網？）我唔介意，佢會介意啲。（要小心處理啲相？）唔使特別小心，泳衣好正常啫！唔係咩大件事。」

梁家輝（左起）、楊受成及劉嘉玲齊齊舉杯慶祝《北京愛情故事》內地票房報捷。

許靖韻及張致恒（圖）盛裝打扮出席首映。

許靖韻

此外，嘉玲與家輝到愛琴海取景時適逢是各自的結婚紀念日，梁朝偉與家輝太太專程到當地探班慶祝，難怪嘉玲特別鍾情愛琴海，她說：「嗰度藍天白雲，每日都笑醒，會再去愛琴海旅行。」而梁家輝被問到女兒將泳裝照放上網可得他同意？他說：「自己冇所謂，兩個女都大，唔使樣樣嘢都問我。」提到被網友大讚弗爆，其女兒更索爆大有條件入行？他說：「OK啦！今次網友反應都好正面。兩個女都未畢業，冇傾過入行，又唔會唔贊成，但係入行條路就要靠佢哋自己行。」

此外，衛詩雅表示今晚看首映是來偷師，她透露最近正戒油鹽Keep Fit，希望能弗爆騷肌。