性感女星Naomi昨日在旺角宣傳手機時密實上陣，她表示快30歲，希望擺脫模形象，並笑言不想如好友黃榕般被叫「榕姨」，並踢爆早前「仙樂都」吳堯堯與前台灣棒棒堂成員戴家昀（Elmo）被拍到蒲夜店，是「仙樂都」放料，更彈對方唔靚，戥好友Elmo不值：「Elmo身邊女仔都好靚，一定唔會揀佢，起碼好似我咁樣先可以！」

黃榕自嘲太蠢，不懂做生意。

至於黃榕與另一性感女星王璐瑤出席新店開幕活動，得悉Naomi寸嘴指擔心如她一樣被叫「榕姨」，黃榕即笑說：「乜佢咁衰o架！」她又透露恨做老闆娘，但笑言自己太蠢，不適合做生意，並表示現正儲錢買樓，但由於香港樓價太貴，故考慮於內地置業。