馬德鐘昨日與太太拍拖出席於沙田馬場舉行的活動，他透露日前剛從湖南宣傳新劇返港，適逢他的兩套劇集先後出街，故出現「自己打自己」的局面。他表示已拍完手頭上的劇集，正處於休息期：「希望休息到3、4月先開工。（會唔會再拍無綫劇？）會呀！我同公司仲有一套戲，收到通知好似係8、9月開拍。」提到早前內地發生恐襲事件，問到經常於內地工作的他可會擔心？他說：「都有，好似近排好多事發生，又有架飛機唔見咗！」他坦言會更加珍惜家人，甚至已推了兩部戲：「所以依家不停陪屋企人，想多啲自己時間，好過不停工作冇咗自己人生。（賺少好多？）咪食少啲囉！（減產？）不嬲一年4部，依家2至3部，係近呢一年，啱啱好忙，又受傷，同埋搬屋，就有藉口抖吓！不過出年就唔知，可能到時又想拍多啲。」

馬德鐘與太太拍拖出席活動，十分恩愛。