周麗淇（Niki）昨日在中環出席有機食物活動，她更即場下廚炮製有機菜式，吸引大批粉絲捧場。抱恙的Niki表示要「自我隔離」：「患流感，發燒又咳，把聲『盟』晒！幾日冇出街，隔離自己。（男友徐正曦有冇關心你？）得o架喇！我哋兩個心中有數。（男友做外賣仔買嘢畀你食？）唔話你知！」

Niki即場下廚炮製有機菜式，果然有大廚風範。

而當Niki甜絲絲講完男友後，即自爆病得內疚：「有隊台灣班底專程來港幫我錄音，又訂埋錄音室同酒店。但我因病推咗，人哋又要飛返去，要延遲到月底先再錄。（要隊Band白行一趟？）自己好唔爭氣，病都病得好內疚！」