張敬軒在舞台劇《EQUUS》有大膽演出，劇中與軒仔有不少對手戲的黃秋生說：「裸露唔係重點，呢種係舞台表演，演出者唔使除晒衫，唔會肉帛相見，外國都上演過，但尺度同香港會有出入。」至於飾演軒仔女友的方皓玟被問二人可有肢體接觸和意識是否很大膽時說：「兩樣都有，大膽o架！（過程？）唔可以講出嚟，入場睇咪知囉！其實大家唔係為大膽而大膽，所以我都冇定底線。」

方皓玟坦言還未定演出的底線。（資料圖片）

此外，秋生昨日出席分享會，對於與杜汶澤在網上罵戰，他說：「佢話人無知，又話人冷血，佢乜都知又好熱血咩？（佢容忍唔到你？）佢容忍我啲乜呀？（唔係朋友？）邊個同佢係朋友呀？佢圈中有幾多個朋友？我係最後一個離開佢o架。以前對佢幾好，可能唔覺得。知唔知以前幾多人包容過佢，依家唔再包容佢，佢可能唔知。」