身為馬來西亞人的無綫小花楊秀惠，由於家人身在當地，故不時返家鄉探親。當得知當地的航空公司發生意外，她坦言十分悲痛，希望乘客一切平安：「其實馬航我哋都成日搭，都好安全，我有個朋友都係今日搭飛機，佢聽到呢宗新聞都好驚。」秀惠又自爆向來搭飛機都有恐懼感：「不嬲搭飛機都驚驚哋，有氣流嗰陣更加係心寒，每一次都好驚，但今次都只係個別事件。」問到短期內會否返馬來西亞，她表示因新年時已返過家鄉，故有時間才會再返：「無論點都好，希望大家出入平安。」同是馬來西亞人的李心潔則表示對此事相當關注：「我都成日搭呢間航空公司，發生呢啲事大家都唔想，依家唔會諗其他嘢，希望機上嘅人都平安。」

楊秀惠自言有飛機恐懼症，每次搭都「驚驚哋」。

李心潔對事件表關注，希望乘客吉人天相。