吳雨霏（Kary）前晚錄影慈善節目《博愛歡樂傳萬家》，一臉病容的她透露患急性風瘌，成身出滿一撻撻紅疹，又痕又癢，估計是抵抗能力低所致，原定在節目上獻唱，亦要改為錄影呼籲，她說：「醫生話冇得醫，如果慢性可能病成年，希望睇中醫後會好啲，依家食住西藥同搽類固醇藥膏，下星期嘅工作都要取消。」

病到五顏六色的Kary戴口罩遮掩病容。

陳慧嫻為備戰個唱，於兩星期內減掉5磅。

同場的陳慧嫻將於6月開個唱，原想性感上陣，卻被同事以不適合為由否決，她說：「佢哋唔准我露咁多！（Bra Top呢？）有條好靚嘅腰就得，我肥瘦均勻，不過個胸點都唔肯瘦，仲愈嚟愈有！」