於張智霖熱播MV《你是如此難以忘記》中打頭陣的網絡女神「大埔LuLu」董嘉儀，日前趁工作空檔與好友歐遊，到訪英國、法國及西班牙。她說：「我哋先去巴黎，之後再飛去英國倫敦，其實喺倫敦只係逗留咗兩日，就搭火車去咗新特蘭睇球場！」熱愛足球的她興奮地說：「好開心呀！可以見到球會領隊，啲球星又好Nice！不過佢哋練緊波，所以冇合照。」她更獲邀參加新特蘭球會俱樂部舉行的派對，但由於連日來的行程已令她十分疲累，她無奈地說：「9至10點已經走咗！」

一向喜愛足球的LuLu到達新特蘭球場後，即忍不住留下倩影。

除咗觀光，LuLu仲買咗好多球隊產品！

LuLu坦言很享受歐洲緩慢的生活節奏。

嚟到西班牙嘅聖家大教堂，LuLu又點可以唔「打卡」呀？

最後一站，LuLu到了西班牙的巴塞隆拿，去了四個歐洲城市的她自言最愛巴塞隆拿：「我鍾意巴塞隆拿嘅熱情開心，就好似我咁！巴塞啲人好熱情、好陽光！今次去咗球會同聖家大教堂，可惜冬天去唔到沙灘！」此行並無掃貨的她又說：「冇乜點樣買嘢呀！都係買球隊嘢！」工作忙碌的她深感香港人的生活「趕頭趕命」，故很羨慕歐洲人的悠閒。