歌手官恩娜（Ella）及陳明恩等昨日出席《職安校園電台節目創作比賽啟動禮》暨《2014年榮譽職安健大使委任禮》，Ella憶述初入行時為許冠傑（Sam）擔任個唱嘉賓，期間險失足墮台：「因為個舞台好多機關，我差啲差錯腳落一個幾米深嘅窿度，好彩阿Sam即刻一手捉住我。」事隔近十年，她預告再獲阿Sam邀請任個唱嘉賓，令她重拾當年感覺。

Ella透露家中女傭突然「劈炮」，令她相當頭痕。

不過，Ella家中女傭近日突然「劈炮」，令她似足「阿信」一樣，每日收工後便要做家務兼服侍愛犬：「尋晚（前晚）錄音錄到好夜，返到屋企先知隻狗肚屙，屙到成個廳都係，我第一時間要執大小二便，執咗成晚。」至於明恩表示將於下月開拍《老表，你好Hea！》，與王祖藍有不少對手戲。