梁靖琪（Toby）前晚自離婚後首次出席公開活動，同場有曾傳緋聞兼被指導致她離婚的吳卓羲（Ron）、周柏豪及連詩雅等，先到場的Toby做完訪問後，剛巧Ron座駕抵達，Toby應記者要求等男方落車合照，惟他卻未有落車，Toby笑說：「你再唔落嚟我走喇！」而Ron待對方入場後才落車，做完訪問後亦應記者要求大方跟Toby合照，還輕攬Toby纖腰，女方亦識做地將手放在男方胸膛上。兩人均表示不尷尬，Toby說：「好朋友啫，點會尷尬？（傳佢導致你離婚？）講過唔關佢事，真係好朋友！」她指心情已平復，卻未Ready迎接新戀情，因離婚令她留有陰影：「要慢慢調節心情。（會唔會考慮Ron？）朋友永遠都係朋友！」

懶理緋聞的Toby手摸Ron胸膛，卻未Ready迎接第二春。

對於被Toby視為永遠的朋友，Ron指Toby叫他哥哥，兩人是好朋友，問到會否因太好朋友而令Toby前夫呷醋，Ron說：「咁好多人都可以惹人呷醋，唔係小朋友，又唔係有事發生。（傳你導致佢離婚？）傳啫嘛！不實嘅報道唔想回應太多。」