歌手吳國敬前晚與女友Elaine出席慈善婚紗拍賣宴，問到婚期時他笑稱求婚多次，但女友不肯下嫁，問到會否爬圈中老友頭搶閘做新郎？他不小心爆出蘇永康（阿公）好事近：「肯定爬唔到阿公頭，佢就快啦！（佢本人否認咗。）咁就唔知，我講錯嘢！等佢鬧吓我，我收錯風啦！阿公，對唔住！」

阿公與女友雖然拍拖多時，但仍未思婚。

阿敬甜咀女友，不過爆響口洩露阿公「婚訊」。

得知被好友「出賣」的阿公在電話中「片」阿敬，他激動地說：「我冇結婚！如果我真係結婚就Ｘ街，畀車撞死，再入冊（坐監），以後都彈唔番起身！佢不嬲都冇腦，幾十歲人同人鬧完交會拎把刀落樓，吳國敬講嘢唔經大腦！」另外，將離巢無綫的李思欣與老公出席該活動，她表示為搵食唔怕得罪無綫。