周秀娜睇中圈外「潛力股」

宅男女神周秀娜昨日出席時裝品牌活動，身為形象大使的她表示今次主題講及人生是一次旅程，問到是小富婆的她，人生是否很充實？她表示仍需努力搵錢：「未完成買樓願望，一路都搵緊，但太貴！（想似Angelababy咁搵富貴男友有車有樓收？）車自己買都得，自己搵得到，但男友送都係開心事，暫時搵到自己事業，當然想搵一個啱嘅人，送咩都開心。（唔係物質女？食魚蛋粉都得？）我鍾意食魚蛋粉同麵包。以前會揀高大靚仔，依家會揀目標一致嘅人，要溝通到。」問現時會揀麵包還是愛情？她笑指工作一整天，所以想要麵包，但認為兩者可共存：「尤其依家女仔好叻，事業有成，大家有家庭後，兩個人要有同等位置，有獨立經濟，唔一定要嫁豪門。成日話搵，不如直接試吓，近排同唔同嘅圈外朋友發展中。」但追問細節時，她表示當中有潛力股，有好消息會通知大家。