謝霆鋒為主持飲食節目《十二道鋒味》赴法國拍攝，順道出席巴黎時間周二舉行的Valentino時裝騷，向來型爆的他到場即被近百外國傳媒包圍，場面墟冚！霆鋒經理人霍汶希接受訪問時表示混亂中霆鋒差點被她Kick跌：「我哋一去到情況好混亂，有路人倒地，大會仲請咗兩個法國保鏢！混亂中霆鋒畀我踩到鞋踭，Kick一Kick差啲仆親，連霆鋒都話：『唉！真係估唔到最後畀經理人踩到跌倒！』」

出席時裝騷的霆鋒西裝骨骨，單手插袋更加型爆！

霆鋒甫抵埗便引來大批傳媒圍訪，果然是國際級巨星！

另外，霆鋒這次逗留十日拍攝節目，邀得趙薇和范冰冰任嘉賓，他亦會在當地學做甜品，並於巴黎時間昨午2時到唐人街市場購買新鮮食材。至於會否與身處巴黎的王菲「世紀重逢」，Mani表示不回應。據知王菲日前出席時裝騷後便再沒有任何活動，亦不會出席其他時裝活動。