早前被踢爆甜蜜外遊的緋聞情侶舒淇及馮德倫，前後腳到場。早前生日收到白玫瑰的舒淇，坦言花並非由男士所送：「應該係客戶送嘅，個客戶係咪男我就唔知喇。（馮德倫送？）唔會，自己都唔係咁鍾意花，唔夠環保。（所以佢唔認你係女友？）不嬲都係朋友，大家識咗好耐。」問到二人感情是否再度「升呢」時，她說：「咪由朋友升做好朋友囉。（升做女朋友？）唔會喇！都咁多年。（佢擇偶條件好夾你？）就係夾先做到好朋友囉。（唔試吓？）識咗咁耐唔會有火花。」

舒淇指與馮德倫相識時間長，不會有火花。

馮德倫與舒淇前後腳到場。

另外，有指韓劇《來自星星的你》會拍電影版，並找舒淇飾演「千頌伊」，她說：「知道套劇好紅，套劇咁經典係唔需要翻拍，完全冇人搵過我，就算有搵我都一定唔會應承拍，唔想影響故事。」