由王家衛執導的《一代宗師》未能揚威本屆奧斯卡，但他未有失望，指對手人多勢眾：「佢哋有幾千人拍套戲，同埋又有工會，每一個人都有關係，能夠提名已經唔容易！」

王家衛受訪時面帶笑容，未受失落奧斯卡而影響心情。

舒淇將出席導演會晚宴，與緋聞男友馮德倫（圖）同場。

今屆奧斯卡曲終人散，憑執導電影《一代宗師》問鼎「最佳服裝」與「最佳攝影」兩獎的導演王家衛最後空手而回，但絕對雖敗猶榮。為趕返港出席香港電影導演會的晚宴，王導前晚現身洛杉磯機場預備返港，在機場本來戴着眼鏡，但見到記者後即換上有型黑超。

傳任導演會會長

對於失落獎項會否感到失望？王導坦言冇所謂：「好難o架，好似《Gravity》（引力邊緣）咁，佢哋有幾千人拍套戲，同埋佢哋又有工會，每一個人都有關係，但我覺得能夠提名已經唔容易。《一》片係一件團體事，依家終於嚟到奧斯卡，已經好榮幸！」王導又透露與同在洛杉磯的鞏俐見面，問到會否再合作？他笑說：「梗有機會！」語畢便向記者友善地道別入閘。

而香港電影導演會將於今晚舉行周年晚宴及年度頒獎典禮，適逢25周年銀禧紀念，大會請來一班影后級人馬如張艾嘉、惠英紅及舒淇等，原定擔任頒獎嘉賓的周迅則因工作而缺席。席上還有由劉偉強與馮德倫等多位導演組成的樂隊Kindergarten演奏多首電影名曲，歌手薛凱琪與鄭融亦會擔任表演嘉賓，整個晚會可謂星光熠熠！特別的是，章子怡特別從內地來港出席，梁朝偉亦會現身，有傳因導演會會長爾冬陞即將卸任，而王家衛任會長的呼聲頗高，故一班愛將到來撐場。