模特兒莊思敏前日到警署備案,指她有份投資的化妝學校懷疑有人虧空公款,昨日有人在社交網站中反稱懷疑被欺詐及拖欠近六位數老師費,雙方各執一詞!莊思敏昨日接受電話訪問時就此回應:「如果係我錯,我又點會去報警?會唔會咁戇居?(話被拖欠老師費?)因為發生涉嫌虧空公款事件,令到帳面虧蝕,有人唔肯坐低傾,反過嚟話我哋拖糧。」

莊思敏有份投資的化妝學校疑有人虧空公款。(資料圖片)

莊思敏指事件已經交由警方及律師處理,不想跟對方私下糾纏,但其後又忍不住爆料:「有人用我同學校嘅名義去問品牌攞贊助,再將贊助嘅商品放上網賣,又叫學生去買呢啲產品。」