陳偉霆昨日與古巨基及周柏豪等現身活動時，揚言會送樓冧阿Sa，而早前被本報踢爆今年迎娶女友Lorraine的基仔再被追問婚期時說：「等我舒服同適當時候會話畀大家聽。（係咪送驚喜？）最鍾意畀驚喜人。」問到與Lorraine是否跟曉明及Baby一樣以老公老婆相稱，他笑說：「佢叫我老……闆或基仔囉！（仲係基仔，冇昇華？）咁我要檢討吓。」

避談婚期的基仔希望為Lorraine炮製驚喜！

至於與Baby老友鬼鬼的柏豪，被問到Baby被指與曉明秘婚及懷孕？柏豪說：「傳聞啫！（效法曉明送辣跑給女友？）都睇吓佢鍾意乜，唔係送貴就鍾意。」