霆鋒執到正花都見王菲

謝霆鋒於巴黎時間周二下午出席Valentino 2014秋冬時裝騷，Gel九一分界髮型、戴黑超，型爆的他被不少亞洲傳媒認出。他透露會在法國逗留十天，稍後前往趙薇在當地的酒莊，主持節目《十二道鋒味》，屆時趙薇好友兼王菲亦會現身，與舊愛霆鋒在巴黎「世紀重逢」！對於王菲及緋聞女友文詠珊亦身在巴黎，霆鋒說：「係啦！好多人都嚟。（今日你好官仔骨骨！）平時我好爛咩？其實平時我好Casual。」至於會否跟王菲在當地見面，他說：「唔答喇！差唔多喇！」同場還有賭王何鴻燊四太梁安琪和子女超盈及猷亨。而王菲昨日在微博上載法國風景相及睇騷相，其中一張是巴黎鐵塔，似乎暗示仍在巴黎，有網友留言希望她和霆鋒可以重逢。同樣身處巴黎的徐濠縈昨日欣賞Chanel 2014秋冬時裝騷。