名模Lea T.、Rosemary和Ana R.等昨晚為珠寶展慶祝晚會擔任模特兒，Rosemary與男友Jason早前被影到去大坑睇舖位，她解釋那是男友的計劃，不過他們的確想開餐廳：「但依家仲搵緊合夥人。（投資幾多位數字？）好難講呀。」問到非常忙碌的Rosemary會否沒時間結婚？她即笑說：「講得好啱，真係冇時間結婚，依家先為將來打算。男朋友希望可以私人啲，有咩決定會通知大家。」

Lea T.（左起）、Rosemary和劉佩玥出席珠寶展，各具美態。

另外，問到Lea是否收過緋聞男友霍啟山送的珠寶？Lea失望地說：「冇呀。（可能遲啲送？）我唔知呀。之前前男友，我父母都有送過畀我。」

提到Angelababy獲男友黃曉明送名車作生日禮物，Lea即透露有男士曾在聖誕節送車：「但我之後退番畀佢，因為我覺得如果唔係未婚夫或老公送嘅話，實在太貴重。」