組合Super Girls成員Heidi日前生日，四位姊妹隊友齊送上蛋糕，而收到保母車司機送上六合彩彩票作禮物的她更扮中獎，呃到隊友大叫要分番一份。

Heidi趁生日一嘗溜冰的滋味。

Heidi（中）獲Super Girls的隊友送上蛋糕祝賀，令她非常驚喜。

組合Super Girls的Heidi日前23歲生日，適逢當天要錄影無綫節目，四位好姊妹及工作人員齊送上蛋糕，接過蛋糕後的Heidi即許願，希望盡快找到新唱片公司。她透露收到保母車司機送上六合彩彩票作禮物，搞鬼的她竟扮中獎成功呃到一班好姊妹大叫「分錢」。Heidi大笑說：「我喺群組入面留言話中咗二獎，仲放咗張攪珠結果，過咗一陣隊長Aka打電話畀我，好激動咁問我係咪中咗，係咪有一千萬。」

冬奧上身生日溜冰

Heidi表示已忍不住狂笑，但Aka仍未發現被騙：「佢真係以為我中二獎，問我可唔可以分番幾萬蚊畀佢呀！覺得佢好可愛信到十足，其他成員都話我好幸運。」

俘虜萬千少男心的Heidi生日當晚亦一嘗溜冰滋味，她說：「之前睇冬奧見到好多選手滑得好型，所以趁生日去滑吓。」被問到有否追求者趁機示愛？她笑說：「冇呀！有冇好男仔介紹？」認真有趣。