谷祖琳昨日帶同囡囡到海港城出席慈善活動，小谷稱囡囡已經歲半，早前已去過幼稚園面試，全家都甚為緊張，問將來囡囡會否留港讀書？她說：「雖然香港大壓力，但都會留港，冇法啦！」小谷又稱囡囡鍾意唱歌跳舞，會安排她學彈琴，至於會否學外語？她說：「唔使住，佢將來讀書都有壓力，依家有得開心就開心咗先！」另外，小谷近年正為思覺失調患者服務，她說：「其實香港真係有好多負面情緒，接觸藝術有助抒發，我都唔希望負面嘢影響到下一代，將來會同佢分析乜嘢係啱同唔啱。」

谷祖琳的囡囡相當可愛，她表示會讓囡囡學彈琴。