歌手許靖韻（Angela）前晚在頒獎禮勇奪「最暢銷本地女新人」獎，身穿長裙的她行樓梯時小心翼翼，並於接受訪問時自嘲是「論盡妹」：「我平時着平底鞋都會仆倒，依家着高跟鞋，真係好怕會跣親，睇到幾級樓梯都好驚同緊張，所以行得非常小心，好彩有驚無險！」

貪靚的許靖韻腳踏高跟鞋，一步一驚心，但有獎攞就咩都抵番晒啦！

Angela透露上周拍微電影時，因氣溫驟降以致凍到病，故她當晚是帶病上陣，並自爆喉嚨勁痛：「上星期喺星光大道拍嘢，由夜晚七點吹風吹到凌晨三點，雖然已經有暖包同大褸保暖，不過都抵受唔住啲寒風，大家都匿喺坑渠度避風。」