剛喪母的葉翠翠昨午素服現身萬國殯儀館，提到母親，她雙眼及鼻子通紅地說：「我心情好番啲，之前唔太穩定，多得朋友安慰，平復咗啲，但爸爸心情唔係太好，始終喺埋一齊咁多年，今朝我哋接媽咪時難免傷感，爸爸好需要人安慰，我盡力希望佢好啲，但其實我都好需要人安慰！」
葉翠翠
翠翠透露現在與父同住：「佢可以接我返工、煮飯，有人陪、有寄託會好啲！」
她又指不打算暫停工作：「媽咪走嗰日同埋第二日我都照工作，因為我相信媽咪都希望我咁做，幫佢辦完身後事我會照工作，冇諗住請假。」
