相信水腫同包包面是不少女士煩惱的問題，一覺醒來就想有「還原靚靚拳」擊退浮腫！前港姐冠軍陳庭欣（Toby）有一套自家瘦面法寶，輕輕鬆鬆幾個步驟就能向包包面Say Bye！

戴起頭巾的Toby每晚勤於按摩面部淋巴，輕鬆變「V面」！

Toby瘦面有道，難怪當年以大熱姿態榮膺港姐冠軍。

識飲識食的Toby健美有法，食幾多都唔怕！

Toby密密接Job仍能Keep住靚樣，果然駐顏有術。

Toby自言靠通淋巴瘦面小貼士，一覺瞓醒便能Keep住容光煥發，不用飲齋啡去水腫都能呈現「V面」：「我每晚都會用瘦面淋巴油搽均成塊面先，之後用手按摩吓面珠兩邊啲淋巴位，等淋巴油慢慢吸收，再用瘦面轆，轆一轆塊面。十至二十分鐘後，面部會吸收晒啲淋巴油，塊面會暖暖哋同『V咗』。」

除了有瘦面功效，Toby大讚按摩能令皮膚保持白滑兼化到完美妝容：「淋巴油會令塊面好飽滿，第二朝起身唔止冇水腫，仲好滋潤，可以唔洗面直接化妝，全日都好貼妝唔浮粉！」