林峯、佘詩曼和苗僑偉昨日為新劇《使徒行者》拜神，被指新髮型似韓劇《來自星星的你》男主角金秀賢的阿峯笑言對方比他斯文，而阿佘更取笑他不及金秀賢年輕。

林峯的新髮型似足《星星》男主角金秀賢，阿佘卻笑言金秀賢比較後生。

在鬧巿拍劇的林峯與貝安琪上演一幕英雄救美。

林峯、佘詩曼和苗僑偉昨日為劇集《使徒行者》提前拜神，林峯的齊蔭髮型與韓劇《來自星星的你》男主角金秀賢飾演的都敏俊相似，他說：「我哋試造型時《星星》都未播啦！男仔唔係長頭髮就係短頭髮啦！佢造型斯文過我好多。」他又表示最喜歡與阿佘在劇中的輕鬆、搞笑談情戲：「應該有少少咀戲但唔會激，套劇唔需要用咀戲做賣點。」而阿佘講到林峯造型似金秀賢時笑說：「唔似，人哋後生啲，咁我哋個男主角都好有型，今次再同佢合作覺得佢有份成熟男人味。」

而與江美儀有感情線的苗僑偉則笑說：「佢杯絲襪奶茶唔係好啱我，我鍾意熱咖啡多啲。」

另外，模特兒貝安琪（Ankie）亦有份演出《使》劇，並與林峯及阿佘大搞三角關係。前日Ankie與林峯到尖沙咀街頭拍外景，由於在鬧巿取景，加上二人的號召力，吸引逾百巿民圍觀，場面墟冚，最後要警察出動維持秩序控制人群，認真誇張。

合照有求必應

劇情講述Ankie在街上因身體不適頭暈而差點跌倒，林峯見狀即上前抱着她，上演一幕英雄救美。雖然被重重包圍，但未影響二人表現，拍攝不足半小時便順利完成。之後不少途人看準時機上前要求與林峯及Ankie合照，兩人態度友善，有求必應。