舊愛徐若瑄結婚，令馮德倫亦有結婚的衝動？馮德倫昨晚出席活動時，每當提起緋聞女友舒淇即甜蜜滿瀉！雖然仍以好朋友關係形容彼此關係，但他表明想在40歲結婚，而湊巧舒淇昨日上載一束白玫瑰的照片，莫非是馮德倫成功求婚？

馮德倫開到口話差唔多時候結婚，莫非好事近？

舒淇

素顏上陣的舒淇上載白玫瑰照片，臉上洋溢幸福笑容。

陳嘉容（左起）、黃佩霞及張筱蘭結伴出席。

寇鴻萍（右）偕女兒唐貝詩到場，兩人均盛裝上陣。

馮德倫、名模貝安琪、陳嘉容、名媛陳君宜及周黃泳霖等昨晚出席活動，提到與舒淇共度農曆新年，他表示彼此是好友，過年見面亦屬正常。舒淇昨日在微博上載一束白玫瑰的照片，問到是否由他所送？他說：「唔知有件咁嘅事，唔係我。（出現對手？）唔知。」他多次強調彼此是好友，但全程都甜絲絲地笑。

提到舊愛徐若瑄結婚，他表示已恭喜對方並坦言想找女朋友，又自言快將40歲，差不多要結婚。問到對擇偶有何要求？他說：「入行問到依家喇！（可能會變？）冇，最緊要人好、夾得到。（要求高所以未開花結果？）係囉！我都唔想，喺傷口上灑鹽！」記者問到舒淇為人如何？他說：「人好。（夾唔夾到？）10幾年朋友，你話夾唔夾到？（爭啲咩做唔到女友？）唔講喇！個話題纏繞咗好多年，都悶啦！」

黃佩霞冇留意楊崢

對於黃宗澤（Bosco）與楊崢傳分手，同場的陳嘉容說：「唔知真定假，第三者唔畀意見。一齊好、分開好，都唔關我事。」她透露有發短訊問候Bosco，問到如果對方向她展開追求？她說：「真係追先算。我會公開戀情，係人都想出街拖手拍拖。（高調會畀人翻舊情史？）唔擔心，係人都有過去。」此外，黃佩霞被指曾被楊崢搶未婚夫，因而獲身邊好友力撐，她表示沒有留意：「咁耐嘅事冇乜感覺。」她又表示日後若與楊崢同場亦不會感到尷尬，會與對方打招呼。