索太陳慧琳（Kelly）雖然日前抱病出席活動，但仍非常尊重場合，以吊帶裙性感赴會，認真唔話得！Kelly透露被兩個兒子傳染，加上最近忙於工作，要四圍飛並着靚衫影相，所以不知不覺令病情加重，還搞到聲沙沙。不過抱病的她還識得對住《東網》講笑，她笑住自讚夠性感：「依家我把聲好Sexy。」

Kelly大讚細仔劉琛叻仔，學前班考試答晒所有問題。

抱病出席活動的Kelly，自讚把聲Sexy！

此外，談到細仔劉琛日前考學前班，Kelly讚囝囝叻仔：「佢表現好好呀！識答晒所有問題，好叻呀！我喺旁邊睇仲緊張，不時望吓佢有冇答錯，老師仲有送餅畀佢，不過就未知考唔考到。」