樂隊movin'五子過去一年沒有與唱片公司簽約，琴手Benedict L.透露要出盡友情牌做音樂，與隊長Steve齊齊表示恨簽公司，與樂迷分享作品：「有公司留意當然好啦！喺宣傳同歌曲創作上都可以有更好安排，依家我哋靠自己同朋友幫手，都好想有更好成績同大家分享。」至於主音Benedict Y.笑言希望有經理人照顧：「有經理人或唱片公司賞識係一個Bonus，不過我依然好鍾意五個成員相處嘅時刻。」而Edwin及大孖則同聲表示會努力做好自己：「唱片公司與經理人感覺好似好遙遠，我哋只想努力將movin'嘅歌創作好！」

movin'早前在樹林拍攝新歌《流行》MV，即興Jam歌。