「巨聲幫」出身的駱胤鳴入行5年，今年終與姊姊駱胤樺組成女子組合「SIS樂印姊妹」，正式出道圓音樂夢！二人揚言要創作更多帶正面訊息的歌曲，將快樂送給觀眾！

駱胤鳴（右）和駱胤樺拍住上，快樂正能量Double！

駱胤樺（左）、駱胤鳴

入行5年的駱胤鳴，在姊姊駱胤樺面前變身「大師姐」。

同為「巨聲幫」的許廷鏗和林欣彤在樂壇發展不俗。

駱胤鳴於2009年參加無綫歌唱比賽《超級巨聲》而為人認識，雖然同為「巨聲幫」的許廷鏗和林欣彤等早已出碟做歌手，但她並無氣餒！皇天不負有心人，今年她簽下唱片公司，並夥拍家姐駱胤樺組成「SIS樂印姊妹」，正式出道成為歌手！

駱胤樺蝦碌甩毛

問到駱胤鳴會否覺得比其他「巨聲幫」遲起步？她說：「又唔會覺得遲嘅，反而有好處！譬如許廷鏗依家好犀利，可以開演唱會，咁我哋可以向佢借鑑！第時如果開演唱會都可以搵佢哋幫手！」

姊姊駱胤樺本身不是圈中人，故初入行時感到有些不習慣，她說：「同妹妹一齊唱歌會好有安全感，但我由大學生無啦啦變歌手，所以面對鏡頭同化妝都會有少少唔慣！」而每當看到姊姊無所適從時，駱胤鳴便會化身「大師姐」提點：「每次佢化完妝我都會睇吓佢眼睫毛，因為有時佢黐唔好，都會甩甩哋！」

談到二人的新歌《有夢就很好了》，駱胤鳴說：「雖然好多人都覺得做飛機師、太空人先叫夢想，但我哋覺得生活嘅小感動，都可以成為夢想，譬如歌詞講到同喜歡嘅人相戀，呢個都可以成為一種感動！希望我哋以後所唱嘅歌，都可以畀到正面訊息大家！」