DJ Donald將於4月1至6日在新光戲院大劇場首次獨自開Talk騷，以其創作的廣播劇《真情》做主題，其中他聲演的主角奶奶阿家性格表面尖酸刻薄，其實為家人着想，他直言香港人對任何事物都喜歡搵位攻擊，希望藉演出帶出港人很多時只是口硬心軟。Donald早已挑戰過扮女人，故今次只會象徵式戴上髮卷扮奶奶。

戴髮卷扮女人對Donald來說只是小兒科！

他又大呻因其無厘頭形象太深入民心，連去警署報失都被當玩嘢：「老婆唔見咗身份證，去到警署警察話：『唔好玩啦唐生！』點知最後真係玩嘢，原來跌咗喺車櫈條罅，所以我有錢都唔會搞慈善基金，大家只會覺得我玩嘢。」