「警鐘胸」名模Jessica C.（JC）下月8日獲邀出席名酒品牌軒尼詩《Hennessy V.S.O.P Electrosonic Party 2014》，將首度化身打碟DJ，日前找來有經驗的霍啟山緋聞女友Lea T.，上堂偷師當熱身！JC甫見打碟設備即伸手周圍掂，被「老師」Lea T.捉實戴上耳筒上堂，二人邊聽音樂邊捽碟，最後仲High到跳舞！上完堂的JC坦言極期待自己的演出：「第一次正式做DJ就要喺千幾人面前表演，齋講已經好興奮！我都好鍾意音樂，將現代同埋傳統音樂Mix埋聽就最正！」

Lea T.（右）教JC捽碟，更齊齊High到跳舞！

將會首次做DJ的JC向Lea T.拜師學藝。

Lea T.屆時亦會出席，她笑言狂歡沒有預埋緋聞男友霍啟山：「我去支持JC，做佢Fans！同埋嗰日係3．8婦女節，女仔梗係要玩埋一份，大家可以齊齊着紅色緊身裙，性感同靚就得！」