杜德偉（Alex）醞釀10年再推出國語碟，這次自己做老闆，全碟方向由自己揸弗。他希望效法已故美國天王Michael Jackson，做一隻沒有流行元素的唱片，真正做到我口唱我心！

杜德偉久違10年再出碟，自資做老闆務求樣樣啱心水。

經歷過悲喜跌宕，杜德偉對人生和音樂的心境都大有不同。

Ice前年下嫁杜德偉，一直相當恩愛。

歌手杜德偉已有10年沒有出碟，猶如放了一個悠長假期，期間經歷了極悲極喜，父母先後過身，前年年底榮升人夫，告別近半世紀的單身生活。種種經歷為Alex的音樂注入前所未有的靈感：「父母嘅離開促使我做呢隻碟頭兩首歌，本身冇諗過出碟，純粹想致敬，但做完嗰兩首歌後發現自己應該要做新唱片。結婚後對感情睇法唔一樣，做出嚟嘅音樂都好唔一樣，其中有一首歌就係我寫畀太太。」

為了不受唱片公司限制，Alex決定自己做老闆：「今次呢隻碟我係最大投資者，能夠自己掌握音樂風格、製作要求、人選等等。」他希望效法Michael Jackson推出一隻撇除流行元素的碟：「每一首歌都唔會考慮商唔商業，有啲經典唱片好似Michael Jackson喺80年代初嗰隻《Thriller》，佢都冇用到當時流行嘅聲音！我都嘗試唔畀依家流行嘅聲音限制住，自己鍾意乜嘢就擺落去。」

愛老婆非奴性

Alex前年年底迎娶比他年輕24歲嬌妻Ice，如今仍享受二人世界。多次向愛妻公開發表愛的宣言的他自言並非老婆奴：「我字典冇老婆奴呢個詞，老婆同老公係相生相剋，老婆快樂，老公又會快樂。奴呢個字有啲負面，佢為我做好多嘢，我為佢做番好多嘢係正常。結婚由兩個人變成一個人，令對方開心係正常事！」

問到成為人夫和單身時有否分別？Alex興奮地說：「向朋友介紹Ice時會講『呢個係我太太』，都幾驕傲！結婚前絕對冇諗過。」