無綫節目主持李漫芬（Fanny）早前於賀年活動受訪時自爆七年冇放「新年假」：「足足七個新年都冇放過假，今年難得可以陪媽咪放吓假！另外都希望快啲搵到筍盤！」
李漫芬希望做大Show司儀攞經驗。
而封Do姐鄭裕玲為偶像的Fanny坦言渴望事業更上一層樓：「我希望接多啲大Show做司儀同主持！當然仲希望拍劇，演奸角同聾啞角色呢種有發揮嘅角色就最好！」她又大爆去年扁桃腺發炎而暴瘦，故希望今年身體健康：「上年突然發炎，日日淨係捱白麵包，兩日瘦咗四磅！」
