藝人楊詩敏（蝦頭）為人大情大聖，對於拍戲更自言是冇底線，即使要裸露亦冇所謂！談到感情生活，蝦頭坦言現時一片空白，更揚言不需男友，也可以活得很快樂！

蝦頭雖然拍拖次數無限，但自言現時不會隨便拍拖！

蝦頭自爆喜歡劉青雲Type男神。

憑《My盛Lady》入屋的蝦頭坦言為角色需要唔介意裸露。

舞台劇演員楊詩敏（蝦頭）早前憑劇集《My盛Lady》的瘋狂角色Laura而打入公仔箱，令觀眾留下深刻印象！問到蝦頭為拍戲可以幾盡？她說：「其實我都冇乜底線，譬如話我做緊舞台劇嘅時候，已經想脫，不過啲導演住我，哈哈！其實都係要睇角色，如果角色係需要裸露，咁我覺得OK嘅！」

提到感情生活，她表示雖然拍過N次拖，不過現時感情一片空白：「依家我單身，亦都唔會亂拍拖！中學嘅時候，我好任性，好需要愛情，成日都要拍拖！」而蝦頭更自言以前經常主動出擊：「總之同個男仔Friend咗先，Friend吓就會令佢鍾意我！」

勁冧劉青雲

雖然戀愛經驗豐富，但她表示暫不想拍拖：「一來遇唔到自己鍾意嘅人，二來依家我個心唔喺識男仔度，想專注喺事業度！可能我以前有個窿喺心入面，好想有人愛錫我。但大個之後，呢個窿已經填補咗，所以唔需要人錫，都可以好快樂！」問到是否情迷靚仔？她說：「咁又唔係喎，我成日都講，如果吳彥祖同劉青雲企喺我面前，我會揀劉青雲，我鍾意佢嗰種Man嘅感覺，對於花仔嗰啲，我係唔得！」