無綫小生羅仲謙2013年在電視及電影上的成績都十分不俗，已入行十年的他笑言並不貪心：「只希望一年比一年有進步，就已經好滿足。」被譽為「大隻謙」的他亦希望在打戲方面多作發展，他笑言在電影《西遊記之大鬧天宮》內被「宇宙最強」甄子丹打上癮：「同丹爺交完手後，出嚟嘅效果好好，而且我想做個全面嘅演員，好過行行企企，成日做啲斯文角色。」近年與緋聞女友楊怡的感情逐漸浮面，他亦期望感情會有好發展，又「Man爆」地表示作為男士都要為將來打算：「要為父母、伴侶、家庭同身邊好多人打算，其實早幾年都已經準備緊。」更表示當有一定經濟能力就會結婚：「不過依家仲差啲，唔想求其結婚，為咗另一半，一定要準備得好足先可以結。」

打上癮的羅仲謙表示恨拍打戲，做「宇宙最強」的接班人。

羅仲謙承諾賺夠錢就結婚，緋聞女友楊怡實冧爆。