女歌手蔚雨芯（Rainky）今年情人節遠赴南極，單身的她笑言惟有當企鵝是男友。而憑「魔鬼胸」成名的她更在極地穿泳衣，無懼嚴寒天氣！

Rainky遠赴南極拍旅遊特輯，更會大騷「魔鬼胸」。

同阿叻（中）師徒情不變的Rainky（左二），對阿叻十分敬重。

Rainky表示會以事業為重，唔諗拍拖。

蔚雨芯去年做齊歌影工作又拍寫真，瓣數多多成績不俗，今年她亦會踩行Turbo向前衝，本月中便先挑戰自己遠赴南極及阿根廷拍攝旅遊特輯。Rainky曾穿泳衣拍旅遊節目，憑豐滿「魔鬼胸」受注目，是次她冒險在冰天雪地再晒Quali：「今次同師兄狄易達、廖啟智及李純恩去探討南極生活，呼籲大眾保護環境，其實我幾怕凍，但人一世物一世，會豁出去，做件好爆嘅事，喺南極着比堅尼，影一張好凍嘅泳衣相！媲美登上月球插國旗呀！」

Rainky表示出發前早已準備好行裝，狂掃罐頭、暖包、止暈丸及禦寒衣物，結果全皆用得上。對於今年情人節在南極中度過，單身的Rainky笑言感覺新鮮：「幾得意呀！同企鵝跳吓舞，當住佢哋係男友先，我只係得20歲，事業為重，到25歲先諗拍拖！（有冇人追？）都有，但做住朋友先，而且要時間了解。」

跟實經理人

早前Rainky與狄易達的合約問題鬧出風波，老闆之一的陳百祥（阿叻）被指沒有投放資源，令兩人萌生去意，Rainky表示前路漸明朗，無論如何也會跟隨栽培她的經理人文迪，但仍為阿叻講好說話：「叻哥好錫我哋每一個，不求回報去幫，其實公司仲有其他投資者，只因為佢紅，食咗死貓啫！我哋點都會Keep住師徒關係。」