古天樂昨日以電影節大使身份與楊千嬅、黃又南、徐天佑及導演彭浩翔等在九龍灣E-Max出席《第38屆香港國際電影節》記者會，大會宣布電影《香港仔》及《那夜凌晨，我坐上了旺角開往大埔的紅VAN》為開幕電影，英皇電影《魔警》則作閉幕電影，《魔警》同時應邀成為台灣《2014金馬奇幻影展》閉幕電影。

古天樂玩嘢大談擇偶條件，得啖笑！

走兩場的古仔（左起），與盛君、王敏德及陳靜出席煞科宴。

又南（左）與天佑狀甚好傾。

楊千嬅大爆導演彭浩翔曾凌晨三時發來訊息，令她被老公問話。

於《香》片中古仔有個身材豐滿的太太，問到現實可希望未來的太太身材好？他即笑說：「最好啦！大家開心Cup最好，K Cup啦！畸形個畸呀！（介唔介意身材「造假」﹖）如果真係鍾意佢，缺點都變優點！」千嬅則透露拍新片「影響」與丁子高的夫妻關係：「因為想保持角色嘅沉重情緒，加上早出晚歸，又想甩咗『丁太』嘅情緒，所以嗰排真好好少同老公傾偈，自己都驚驚哋。」

另外，古仔昨晚出席電影《Z風暴》煞科宴，同場還有王敏德及影壇新人盛君等。陳靜（DaDa）則因塞車遲到，她表示拍攝片中一場中槍戲時，獲古仔給予不少意見，又透露與林家棟的床戲點到即止，問到有否咀戲？她說：「冇，真可惜！哈哈！不過我哋肩並肩，都幾誘惑！」同場的張兆輝則笑言喜歡拍動作戲：「飛車、追車都鍾意，特別追車戲，真係好難得，部車唔係自己，但畀你撞喎！」