名模馬詩慧與長女王曼喜及周汶錡前晚出席Style模特兒公司春茗，曼喜被追問早前與洋妞當眾拖手咀嘴一事，她說：「我好驚訝，冇諗過撞到人，同埋覺得自己冇乜新聞價值，佢係我好朋友。」記者再問好朋友會咀嘴？馬詩慧即撐女兒說：「讀書時都會啦！阿媽同個女都會。」說罷即跟囡囡咀嘴示範。問到王曼喜鍾意男還是女？她說：「我覺得唔係男定女問題，如果係愛嘅話。（對個女仔有好感？）都有。（有發展空間？）Maybe，睇吓點？」此外，王曼喜又強調愛無分性別，只要家人支持就可以。在旁的Janet此時又搶着說：「梗係有好感，否則點會又出街又拖。」

馬詩慧（右）女兒王曼喜承認對洋妞有好感。

馬詩慧即場咀女兒力撐王曼喜早前咀洋妞冇問題。