伍詠薇（伍姑娘）昨日與好友袁詠儀（靚靚）接受無綫節目《燭光晚餐》訪問，對於好姊妹歐陽妙芝力斥楊崢當年搶黃佩霞男友，伍姑娘否認在聚會中提及楊崢，更稱沒有聽聞搶男友一事，又謂「鬼婆」黃佩霞性格唔八卦，也未見對方受負面新聞影響而不開心。靚靚則反問為何大家不喜歡楊崢？記者解釋她沒多少朋友也沒人撐，靚靚即嘆道：「都幾悲哀冇朋友。」笑問伍姑娘會否撐楊崢？伍姑娘即大叫：「梗係唔會啦！」靚靚又笑說：「佢叫伍姑娘，唔係叫傻姑！」

伍詠薇（左）和袁詠儀一唱一和談論楊崢。

談到伍姑娘老公練海棠曾是楊崢的舊愛，靚靚頓時恍然大悟，又記者上身追問伍姑娘：「（楊崢）有冇叫佢買樓？借車？」伍姑娘即作狀抱頭喊道：「我好驚呀！」並指老公是個好男人，未有提過楊崢的傳聞，更表示不認識對方。對於有傳分手後楊崢照碌練海棠的卡，伍姑娘笑說：「我唔知，冇問佢。（因為呢件事唔開心？）冇！因為我成日碌我老公張卡。」靚靚插嘴笑說：「你老公係咪要舞龍點睛、開香檳？佢明顯執身彩啦！你又玩得又睇得！」伍姑娘稱他兩夫婦較低調，不會對新聞作任何評價。